Carl Ludwig Blume

Ni Charles Ludwig de Blume wenno Karl Ludwig von Blume (9 Hunio 1796, Braunschweig – 3 Pebrero 1862, Leiden) ket maysa idi nga Aleman-Olandes a botaniko.

Naipasngay isuna idiay Braunschweig iti Alemania, ngem nagadal idiay Unibesidad ti Leiden ken naggigian iti propesional a kabibiagna idiay Daya nga India ti Olanda ken idiay Olanda, nga isuna idi ket Direktor ti Rijksherbarium (herbario ti estado) idiay Leiden. Sagpaminsan a nait-ited ti naganna iti porma ti pagsasao nga Olandes iti Karel Lodewijk Blume, ngem ti kasisigud a panangiletra iti Aleman ket ti kaaduan a naus-usar kadagiti teksto ti botanika: uray no kasrta adda pay laeng dagiti pannakaiyallilaw, gapu ta naibagbaga isuna a kas K.L. Blume (manipud iti Karl).

Nagaramid isuna kadagiti adu a panagadal iti flora ti akin-abagatan nga Asia, a naipangpangruna iti Java, nga idi ket kolonia ti Olanda. Manipud idi 1823 aginggana idi 1826, ni Blume ket Deputado Direktor ti Agrikultura iti botaniko a hardin iti Bogor (Buitenzorg) iti Java. Nagbalin isuna Idi 1827 a mannurat iti Naarian nga Instituto ti Olanda.^[1] Idi 1855, napili isuna a ganganaet a kameng ti Naarian nga Akademia dagiti Siensia ti Suesia.

Nagplano isuna a kakuyogna ni Philipp Franz von Siebold (1796–1866), iti panakapundar ti "Koninklijke Nederlandsche Maatschappij tot aanmoediging van den Tuinbouw". (Naarian a Kagimongan iti Panagparang-ay ti Hortikultura ti Olanda). Daytoy ket natungpal idi 1842.^[2]

Naipanagan kaniana ti botanikal a warnakan ti Blumea.

Isu ket maysa pay nga entomologo